కరోనా సంక్షోభ సమయంలో ప్రధానమంత్రి నరేంద్రమోదీకి లేఖ రాశారు కాంగ్రెస్ అధినేత్రి సోనియాగాంధీ. ప్రస్తుత పరిస్థితుల్లో దేశ ఆర్థిక ఖజానాను ఎలా సంరక్షించుకోవాలన్న అంశంపై ఐదు సూచనలు చేశారు.
సోనియా సూచనలు..
- రాష్ట్రపతి, ప్రధాని, మంత్రులు, ముఖ్య మంత్రులు, రాష్ట్రాల మంత్రులు, ఉన్నతాధికారులు.. అన్ని విదేశీ పర్యటనలను రెండేళ్ల పాటు వాయిదా వేయాలి.
- పీఎం కేర్స్‌లోకి వస్తున్న మొత్తాన్ని ప్రధానమంత్రి జాతీయ విపత్తు నిర్వహణ నిధిలోకి వచ్చేలా చేసి జవాబుదారీతనం తీసుకురావాలి.
- ప్రభుత్వ రంగసంస్థలు, ప్రభుత్వం.. మీడియాకిచ్చే ప్రకటనలపై రెండేళ్ల పాటు నిషేధం విధించాలి.
- కేవలం కొవిడ్-19కి సంబంధించిన సమాచారం మాత్రమే ఇవ్వాలి.
- పార్లమెంటు భవనాలు కొత్తవి తీసుకురావడానికి కేంద్రం చేపట్టిన 20 వేల కోట్ల రూపాయల ప్రాజెక్టును కూడా నిలుపుదల చేయాలి. ప్రస్తుత భవనంలోనే పార్లమెంటు కార్యకలాపాలకు ఏ ఢోకా లేదు.
ఇదీ చూడండి:'వలస కూలీల వేతనాలపై ఇప్పుడే జోక్యం చేసుకోలేం'
