తమిళనాడు తిరుచ్చి జిల్లా కాలుపట్టి నివాసి రంజన్. తన స్నేహితులు ఆనంద్, సెంథిల్తో ముచ్చటించేందుకు వెళ్లగా రూ. 70 కోసం వారి మధ్య వాగ్వివాదం జరిగింది. ఘర్షణలో రంజన్ చేతిలో ఉన్న తన 15నెలల కొడుకు నిత్యేశ్వరణ్ మరణించాడు.
అసలు ఏం జరిగిందంటే..
సాయంత్రం వేళ మిత్రులు ఆనంద్, సెంథిల్తో మాట్లాడేందుకు నిత్యేశ్వరణ్తో కలిసి రంజన్ వెళ్లాడు. ఈ సమయంలో ఆనంద్ వద్ద నుంచి సెంథిల్ రూ.70 దొంగలించటంపై చర్చ వివాదానికి దారి తీసింది.
ఈ ఘర్షణలో రంజన్ను కర్రతో కొట్టేందుకు సెంథిల్ చేసిన ప్రయత్నంలో బాలుడికి బలంగా దెబ్బ తగిలింది. స్పృహ కోల్పోయిన బాలుణ్ని తిరుచ్చి ప్రభుత్వ ఆసుపత్రికి తరలించినా ఫలితం దక్కలేదు.
ఘటనపై కేసు నమోదు చేసిన పోలీసులు.. సెంథిల్ను అరెస్టు చేశారు. రూ.70 కోసం జరిగిన గొడవలో బాలుడు మరణించటం వల్ల గ్రామంలో విషాదం అలుముకుంది.
ఇదీ చూడండి: మహారాష్ట్ర: భారీ వర్షాలకు 30 మంది మృతి
