శరవణ్ భవన్తో పేరు ప్రఖ్యాతలు సంపాదించిన హోటళ్ల యజమాని పి.రాజగోపాల్కు సుప్రీంకోర్టులో చుక్కెదురయింది. చిన్న కుటుంబంలో పుట్టి అంతటి వ్యాపార సామ్రాజ్యాన్ని సృష్టించిన రాజగోపాల్కు... ఒక దురాశ కారణంగా యావజ్జీవ శిక్ష పడింది. పోలీసులకు లొంగిపోయేందుకు ఆరోగ్య కారణాలతో సమయం కోరగా జస్టిస్ ఎన్వీ రమణ నేతృత్వంలోని ధర్మాసనం తిరస్కరించింది.
రాజగోపాల్కు జులై 7న జైలు శిక్ష ప్రారంభం కావాల్సి ఉంది.
నేపథ్యం
పి.రాజగోపాల్! ఇడ్లీ, వడ, దోశలను వేడివేడిగా వడ్డించి దక్షిణ భారతాన్ని తృప్తి పరిచిన ‘దోశల రాజు’ ఆయన. లండన్‌, న్యూయార్క్‌, సింగపూర్‌, సిడ్నీ, స్టాక్‌హోం... ఏ ప్రపంచ స్థాయి నగరాన వెతికినా 'శరవణ్ భవన్' దొరికి తీరుతుంది. అంతలా ప్రాచుర్యం పొందింది. తమిళనాడులోని ఓ మారుమూల గ్రామంలో ఉల్లిపాయలు అమ్ముకునే కుటుంబం. 1981లో పొట్టచేత పట్టుకుని చెన్నై వచ్చి కిరాణా దుకాణం పెట్టాడు. అంచెలంచెలుగా ఎదిగి పలు దేశాల్లో 80కి పైగా శాఖలను ప్రారంభించాడు.
ఇదీ కేసు
తన దగ్గర పనిచేసే ఓ ఉద్యోగి కుమార్తెను మూడో వివాహం చేసుకుంటే ఇంకా బాగా కలిసొస్తుందని ఓ జ్యోతిషుడు చెబితే... రాజగోపాల్ నమ్మాడు. ఆ మాయలో పడి ఆమెను ఎలాగైనా సొంతం చేసుకోవాలనుకున్నాడు. కానీ అప్పటికే పెళ్లయినందున ఆమె అంగీకరించలేదు. చివరి ప్రయత్నంగా 2001లో ఆమె భర్తను చంపించాడు రాజగోపాల్!
కింది కోర్టు ఆయనకు పదేళ్ల కారాగార శిక్ష విధించింది. ఈ తీర్పును సుప్రీంకోర్టులో సవాలుచేయగా... శిక్షను యావజ్జీవంగా ఖరారు చేసింది.
ఇదీ చూడండి: దొంగ కోసం రైల్లో నుంచి దూకితే ప్రాణం పోయింది
