భూసేకరణకు వ్యతిరేకంగా రాజస్థాన్ రాజధాని జైపుర్ రైతులు వినూత్న పద్ధతిలో నిరసన చేపట్టారు. మంగళవారం భూమిలో మెడ లోతు గోతులు తవ్వుకుని సజీవంగా తమ శరీరాలను పాతిపెట్టుకున్నారు. వణికించే చలిలోనూ రాత్రంతా అలానే ఉన్నారు. యువ సంఘర్ష్ సమితి ఛైర్మన్ డాక్టర్ నాగేంద్ర సింగ్ షెకావత్ ఈ ఆందోళనలకు నేతృత్వం వహిస్తున్నారు.
డిమాండ్
జైపుర్ శివార్లలోని నిండార్లో గృహ నిర్మాణ పథకం కోసం జైపుర్ అభివృద్ధి ప్రాధికార సంస్థ-జేడీఏ రైతుల నుంచి 1300 బీగాల భూమిని సేకరిస్తోంది. అయితే.... తమకు నూతన భూసేకరణ చట్టం కింద పరిహారం చెల్లించాలని ప్రభుత్వాన్ని డిమాండ్ చేస్తున్నారు రైతులు. అంతవరకు భూ సేకరణను అడ్డుకుంటామని తెలిపారు. నూతన భూ సేకరణ చట్టం కేంద్రం అమలు చేసినప్పటికీ జేడీఏ పాత భూ సేకరణ చట్టం కింద పరిహారం చెల్లిస్తుందని రైతులు ఆరోపించారు.
నిరసనలు చేస్తోన్న రైతులకు మద్దతు ప్రకటించారు రాజస్థాన్ భాజపా అధ్యక్షుడు సతీష్ పునియా. ముఖ్యమంత్రి అశోక్ గహ్లోత్పై విమర్శనాస్త్రాలు సంధించారు.
ఇదీ చూడండి : కశ్మీర్కు మరోసారి విదేశీ ప్రతినిధుల బృందం
