రష్యా ఆమోదం తెలిపిన 'స్పుత్నిక్- వీ' కరోనా వ్యాక్సిన్ ఉత్పత్తిని ప్రారంభించినట్లు తెలుస్తోంది. ఇందుకు సంబంధించి రష్యా ఆరోగ్య మంత్రిత్వ శాఖ ప్రకటనను ఉటంకిస్తూ ఆ దేశ మీడియా సంస్థలు నివేదించాయి.
ఈ వ్యాక్సిన్పై అంతర్జాతీయంగా సందేహాలు వస్తోన్నా వ్యాక్సిన్కు ఆమోదం తెలిపింది రష్యా ప్రభుత్వం. ప్రకటన సమయంలో తన కూతురిపైనా వ్యాక్సిన్ ప్రయోగించినట్లు రష్యా అధ్యక్షుడు వ్లాదిమిర్ పుతిన్ వెల్లడించారు. వ్యాక్సిన్ సామర్థ్యానికి అవసరమైన పరీక్షలు నిర్వహించామని తెలిపారు.
ప్రమాదం..!
చివరి క్లినికల్ ట్రయల్స్లో పాల్గొన్న వలంటీర్ల అందరిలో రోగనిరోధక ప్రతిస్పందన కనిపించిందని పుతిన్ స్పష్టం చేశారు. అయితే మూడో దశ పరీక్షలు నిర్వహించకుండా తొందరపడటం ప్రమాదమని రష్యాతో పాటు ఇతర దేశాల శాస్త్రవేత్తలు హెచ్చరిస్తున్నారు.
ఇదీ చూడండి: వ్యాక్సిన్ రేసులో ట్రంప్పై పుతిన్ గెలిచారా?
