హరియాణా జింద్ జిల్లా రామరాయ్ సమీపంలో ఘోర రోడ్డు ప్రమాదం జరిగింది. ఆటో, ఆయిల్ ట్యాంకర్ ఢీకొన్న ఘటనలో 10 మంది యువకులు ప్రాణాలు కోల్పోయారు. వీరంతా హిస్సార్లో జరిగిన ఆర్మీ రిక్రూట్మెంట్ ర్యాలీలో పాల్గొని తిరిగివస్తుండగా ప్రమాదం జరిగింది.
హిస్సార్లో జరుగుతున్న నియామకాల్లో పాల్గొన్న యువకులు శారీరక, వైద్య పరీక్షల్లో ఉత్తీర్ణులయ్యారని సమాచారం. అనంతరం ఓ ఆటోలో తిరిగి ఇంటికి పయనమయ్యారు. ఈ సమయంలో హాన్సీ రోడ్డు సమీపంలోకి రాగానే ఓ ఆయిల్ ట్యాంకర్ వెనుక నుంచి ఢీకొట్టగా డ్రైవర్ సహా 10 మంది అక్కడిక్కడే మరణించారు. మరొక వ్యక్తి తీవ్రంగా గాయపడ్డాడు.
చనిపోయిన వారిలో ముగ్గురుని గుర్తించిన పోలీసులు.. మిగతా వారి ఆనవాళ్ల కోసం సమీప గ్రామాలకు సమాచారం అందించారు.
ఇదీ చూడండి: భూకంపం దాటికి గజగజ వణికిన ఉత్తర భారతం
