రాజస్థాన్లో రాజకీయ సంక్షోభం నెలకొన్న తరుణంలో.. నేడు మరోమారు శాసనసభా పక్ష సమావేశానికి కాంగ్రెస్ పిలుపునిచ్చినట్టు తెలుస్తోంది. జైపుర్ శివారులో.. ముఖ్యమంత్రి అశోక్ గహ్లోత్కు మద్దతునిస్తున్న ఎమ్మెల్యేలు బసచేస్తున్న హోటల్లో ఈ సమావేశం జరగనుందని సమాచారం. అయితే ఉదయం 11 గంటలకు ప్రారంభమయ్యే ఈ భేటీలో ఏ అంశాలు చర్చకు వస్తాయన్న దానిపై అస్పష్టత నెలకొంది.
వారం రోజుల వ్యవధిలో సీఎల్పీ సమావేశం జరగడం ఇది మూడోసారి.
ఇదీ చూడండి:- 'ఆడియో టేప్'పై కేంద్ర మంత్రికి నోటీసులు
పైలట్ తిరుగుబాటుతో...
గత కొంత కాలంగా కాంగ్రెస్పై అసంతృప్తితో ఉన్న యువనేత సచిన్ పైలట్.. రెబల్గా మారారు. దీంతో రాజస్థాన్ ప్రభుత్వంలో రాజకీయ సంక్షోభం ఏర్పడింది. అనంతరం గత వారం జరిగిన సీఎల్పీ సమావేశంలో పైలట్పై వేటు వేస్తూ నిర్ణయం తీసుకుంది కాంగ్రెస్. డిప్యూటీ సీఎం, పీసీసీ చీఫ్ పదవుల నుంచి తప్పించింది. ఈ పరిణామాలపై స్పందించిన పైలట్.. నిజాన్ని వక్రీకరించగలరు కానీ, ఓడించలేరని పేర్కొన్నారు. తాను భాజపాలో చేరడం లేదని స్పష్టం చేశారు.
ఇవీ చూడండి:-
