ప్రధానమంత్రి నరేంద్ర మోదీ మంగళవారం సాయంత్రం 4 గంటలకు జాతినుద్దేశించి ప్రసంగించనున్నారు. ఈ మేరకు ప్రధానమంత్రి కార్యాలయం ఓ ప్రకటనను విడుదల చేసింది. కరోనా సంక్షోభం, చైనాతో సరిహద్దు ఉద్రిక్తతల నేపథ్యంలో ప్రధాని ప్రసంగానికి ప్రాధాన్యత సంతరించుకుంది.
మే నెల నుంచి వాస్తవాధీన రేఖ వెంబడి ఉద్రిక్త పరిస్థితులు నెలకొన్నాయి. ఈ నెల 15న గల్వాన్ లోయలో భారత సైనికులపై చైనా దుస్సాహసానికి పాల్పడింది. ఈ ఘటనలో 20మంది భారత జవాన్లు అమరులయ్యారు. వారి త్యాగాన్ని దేశం మరవబోదని ప్రధాని ఉద్ఘాటించారు. శత్రువులను ఎదుర్కొనే శక్తి సామర్థ్యాలు భారత్కు ఉన్నాయని చైనాను పరోక్షంగా హెచ్చరించారు మోదీ.
