ఎన్నికల వేళ ఎగ్జిట్​ పోల్స్​ ప్రసారాలపై నిషేధం

ఎన్నికలు జరిగే సమయంలో ఎగ్జిట్​ పోల్స్​పై ప్రింట్​, ఎలక్ట్రానిక్​ మీడియాలో ప్రసారాలపై నిషేధం విధించింది ఎన్నికల సంఘం. నిషేధ సమయంలో రాజకీయ విశ్లేషకులు, జ్యోతిషులు, పేకముక్కలతో జోస్యం వంటి ఏ విధమైన పద్ధతుల్లో ప్రసారం చేసినా ఎన్నికల నియమావళి ఉల్లంఘన అవుతుందని స్పష్టం చేసింది.

సార్వత్రిక ఎన్నికల పోలింగ్​ ఈ నెల 11నుంచి ప్రారంభమవుతున్న నేపథ్యంలో ఎగ్జిట్​ పోల్స్ ప్రసారాలపై నిషేధం విధించింది కేంద్ర ఎన్నికల సంఘం. నిషేధం ఉన్న సమయంలో జ్యోతిషం, పేకముక్కల ద్వారా జోస్యం వంటి ఏ విధమైన పద్ధతిలోనైనా ముందస్తు ఫలితాలు ప్రసారం చేస్తే ఎన్నికల నియమావళి ఉల్లంఘన అవుతుందని స్పష్టం చేసింది.

మే 19 సాయంత్రం వరకు ఎలక్ట్రానిక్, ప్రింట్​ మీడియాకు ఈ నిబంధనలు వర్తిస్తాయని చెప్పింది ఈసీ.

మొదటి దశ ఎన్నికలు జరుగుతున్న ప్రాంతాల్లో ప్రచారం ఈ సాయంత్రం ముగియనుంది.