భారతి వేడుకలకు హాజరుకానున్న ప్రధాని

తమిళ మహాకవి సుబ్రమణ్య భారతి జయంతి వేడుకల్లో ప్రధాని నరేంద్ర మోదీ పాల్గొననున్నారు. పలు రంగాల్లో విశిష్ఠ సేవలు అందించిన వారికి భారతి అవార్డులను ప్రదానం చేయనున్నారు.

తమిళ మహా కవి సుబ్రమణ్య భారతి 138వ జయంతి సందర్భంగా నిర్వహించే అంతర్జాతీయ భారతి ఉత్సవాలకు నేడు ప్రధాని నరేంద్రమోదీ హాజరుకానున్నారు. ఈ కార్యక్రమం చెన్నైలోని వానవిల్​ సాంస్కృతిక కేంద్రంలో జరగనున్నట్లు నిర్వాహకులు తెలిపారు.

ఈ వేడుకలను ఉద్దేశించి ప్రధాని సాయంత్రం 4.30కి మాట్లాడనున్నారు. అనంతరం వివిధ రంగాల్లో విశిష్ఠ కృషి చేసిన వారికి భారతి అవార్డులు ప్రదానోత్సవం ఉంటుందని నిర్వాహకులు కే.రవి పేర్కొన్నారు. ప్రతి ఏడాది నిర్వహించే ఈ కార్యక్రమాన్ని కరోనా కారణంగా వర్చువల్​ విధానంలో జరుపుతున్నట్లు తెలిపారు.