ప్రధానమంత్రి నరేంద్ర మోదీ... ఆయన ఏం చేసినా ఓ సంచలనమే. నిజ జీవితంలోనే కాకుండా... సామాజిక మాధ్యమాల్లోనూ మోదీని అనుసరించే వారి సంఖ్య ఎక్కువే. ఇందుకు మోదీ ట్విట్టర్, ఫేస్బుక్ అకౌంట్లలో ఫాలోవర్ల సంఖ్యే నిదర్శనం. కానీ అందరిని ఆశ్చర్యానికి గురి చేస్తూ.. మరో సంచలన నిర్ణయం తీసుకున్నారు ప్రధాని. సామాజిక మాధ్యమాల నుంచి తప్పుకోనున్నట్టు ప్రకటించారు. ఈ ఆదివారం తన ట్విట్టర్, ఫేస్బుక్, యూట్యూబ్ ఖాతాలను తొలగిస్తున్నట్టు తెలిపారు.
సామాజిక మాధ్యమాల్లో మోదీ చాలా చురుకుగా ఉంటారు. మోదీ ట్విట్టర్ ఖాతాను 5కోట్ల 33 లక్షల(53.3 మిలియన్) మంది అనుసరించడానికి ఇది ఓ కారణం. తాను ఏం చేసినా, ఏం చేయాలనుకున్నా.. ప్రపంచంలో ఏం జరిగినా వెంటనే ట్వీట్ చేస్తారు. మరి ఇలాంటి నిర్ణయం ప్రధాని ఎందుకు తీసుకున్నారనే విషయం ఇప్పుడు సర్వత్రా చర్చనీయాంశమైంది.
