అరుణాచల్ సీఎంగా పెమాఖండూ ప్రమాణం

అరుణాచల్ ప్రదేశ్ ముఖ్యమంత్రిగా రెండోసారి ప్రమాణస్వీకారం చేశారు పెమాఖండూ. ఆయనతో గవర్నర్ బి.డి మిశ్రా పదవీ ప్రమాణం చేయించారు.

వరుసగా రెండోసారి అరుణాచల్ ప్రదేశ్ ముఖ్యమంత్రిగా ప్రమాణ స్వీకారం చేశారు పెమా ఖండూ. గవర్నర్ బి.డి. మిశ్రా ఆయనతో పదవీ ప్రమాణం చేయించారు. ఈటానగర్​లోని దోర్జీ ఖండూ కన్వెన్షన్ సెంటర్​లో అట్టహాసంగా కార్యక్రమం జరిగింది.

ముఖ్యమంత్రితో పాటు మరో 11 మంది శాసనసభ్యులు మంత్రులుగా ప్రమాణ స్వీకారం చేశారు. లోక్​సభ ఎన్నికలతో పాటే అరుణాచల్ ప్రదేశ్​ అసెంబ్లీకి ఎన్నికలు జరిగాయి. 60 సీట్లున్న అరుణాచల్ శాసనసభలో భాజపా 41 స్థానాలు సాధించి అతిపెద్ద పార్టీగా అవతరించింది.

అసోం ముఖ్యమంత్రి సర్బానంద సోనోవాల్, నాగాలాండ్ సీఎం నెయిఫియూ రియో, మణిపూర్ ముఖ్యమంత్రి బీరేన్ సింగ్, త్రిపుర సీఎం విప్లవ్ కుమార్ దేవ్​లు ఈ ప్రమాణ స్వీకారోత్సవానికి హాజరయ్యారు.

ఇదీ చూడండి: పాంచ్ పటాకా సీఎం 'నవీన్​ పట్నాయక్​'