కొత్త ఏడాది తొలి రోజునే పాక్​ కవ్వింపు చర్యలు

నియంత్రణ రేఖ వెంబడి పాక్​ సైన్యం దుశ్చర్యకు పాల్పడింది. కాల్పుల విరమణ ఒప్పందాన్ని ఉల్లంఘిస్తూ బుధవారం రాత్రి మోర్టార్​ షెల్స్​తో దాడి చేసింది. కాల్పులను భారత సైన్యం దీటుగా తిప్పికొట్టినట్లు అధికారులు వెల్లడించారు.

పాకిస్థాన్ మరోసారి కాల్పుల విరమణ ఒప్పందాన్ని ఉల్లంఘించింది. నూతన ఏడాది తొలి రోజునే జమ్ముకశ్మీర్​లోని పూంచ్​ జిల్లా క్రిష్ణ ఘాటి సెక్టార్​లో కాల్పులు జరిపింది. రాత్రి 9 గంటల సమయంలో చిన్న ఆయుధాలు, మోర్టార్​ షెల్స్​తో దాడి చేసినట్లు అధికారులు తెలిపారు.

పాక్​ చేసిన ఈ కాల్పులను భారత సైన్యం సమర్థంగా తిప్పికొట్టినట్లు అధికారులు స్పష్టం చేశారు. రాత్రి 11 గంటల వరకు కాల్పులు కొనసాగినట్లు వెల్లడించారు.

ఇదీ చదవండి: ఎన్​ఆర్​సీ-ఎన్​పీఆర్​పై తొలగని సందేహాలు