కశ్మీర్ అంశంపై మధ్యవర్తిత్వం వహించడానికి సిద్ధంగా ఉన్నట్టు అమెరికా అధ్యక్షుడు డొనాల్డ్ ట్రంప్ అనేకమార్లు ప్రకటించారు. మరి ఇప్పుడు భారత్ పర్యటనలో భాగంగా ఆయన ఈ అంశంపై ఏ విధంగా స్పందిస్తారని సర్వత్రా ఆసక్తి నెలకొంది. ఈ తరుణంలో భారత్-పాకిస్థాన్ సంబంధాలపై శ్వేతసౌధం స్పందించింది.
ట్రంప్ మద్దతున్నప్పటికీ పాకిస్థాన్.. ఉగ్రవాదుల పని పడితేనే ఇరు దేశాల మధ్య చర్చలు విజయవంతమయ్యే అవకాశముందని పేర్కొంది.
"భారత్-పాక్ మధ్య ఉద్రిక్త వాతావరణాన్ని తగ్గించే దిశగా ట్రంప్ ప్రోత్సహించే అవకాశముంది. తమ సమస్యల పరిష్కారానికి ద్వైపాక్షిక చర్చలు జరుపుకునే విధంగా భారత్, పాక్ను ట్రంప్ ప్రోత్సహించవచ్చు. కానీ ఉగ్రవాదాన్ని పాకిస్థాన్ అరికట్టినప్పుడే ఎలాంటి చర్చలైనా విజయవంతమవుతాయని మా నమ్మకం. సరిహద్దు వెంబడి ఉన్న తిరుగుబాటుదారులకూ పాక్ మద్దతివ్వకూడదు. ఆ రోజు కోసం మేము ఎదురుచూస్తున్నాం."
--- శ్వేతసౌధం సీనియర్ అధికారి
అఫ్గానిస్థాన్ శాంతి చర్చలకు సహకరించమని భారత ప్రధానమంత్రి నరేంద్ర మోదీని ట్రంప్ అభ్యర్థించే అవకాశముందని ఆయన అభిప్రాయపడ్డారు.
ఇదీ చూడండి :-
