హంద్వారాలో ఎన్​కౌంటర్

జమ్ముకశ్మీర్​లోని క్రల్గుంద్​, హంద్వారా ప్రాంతాల్లో ముష్కరుల ఏరివేత కొనసాగుతోంది.  హంద్వారాలో సైనికులకు, ఉగ్రవాదులకు మధ్య కాల్పులు జరిగాయి.  ఓ ముష్కరుడు హతమయ్యాడు.

జమ్ముకశ్మీర్​లో ఉగ్రవాదుల ఏరివేత కొనసాగుతోంది. క్రల్గుంద్​, హంద్వారాలో జరిగిన ఎన్​కౌంటర్​లో ఓ ఉగ్రవాదిని మట్టుబెట్టారు భద్రతా సిబ్బంది.

ముష్కరులు ఉన్నారన్న సమాచారంతో ఈ ప్రాంతాల్లో తనిఖీలు చేపట్టారు జవాన్లు. ఒక్కసారిగా సైనికులపై ఉగ్రవాదులు కాల్పులకు తెగబడ్డారు. భద్రతా బలగాలు దీటుగా స్పందించాయి. ఎదురుకాల్పులు జరిపి ఓ ముష్కరుడిని హతమార్చాయి. గాలింపు చర్యలు కొనసాగుతున్నాయని అధికారులు తెలిపారు.