కరోనా వ్యాప్తిని అడ్డుకునేందుకు విధించిన దేశవ్యాప్త లాక్డౌన్ ఈనెల 14న ముగియనున్న నేపథ్యంలో ఒడిశా రాష్ట్ర కీలక నిర్ణయం తీసుకుంది. పెరుగుతున్న కేసులను అరికట్టేందుకు ఏప్రిల్ 30 వరకు లాక్డౌన్ను పొడిగిస్తున్నట్లు ప్రకటించింది. లాక్డౌన్ కొనసాగిస్తున్నట్లు ప్రకటించిన తొలి రాష్ట్రం ఒడిశానే కావటం గమనార్హం.
రాష్ట్ర మంత్రులతో వీడియో కాన్ఫరెన్స్ నిర్వహించిన అనంతరం ముఖ్యమంత్రి నవీన్ పట్నాయక్ ఈ విషయం వెల్లడించారు.
"లాక్డౌన్ కాలాన్ని ఏప్రిల్ 30 వరకు పొడిగించాలని నిర్ణయించాం. దేశవ్యాప్తంగా పొడిగించాలని కేంద్రాన్ని కోరాం. ఒడిశాకు రైళ్లు, విమానాలను ఈనెల 30 వరకు నడపొద్దని విన్నవించాం. రాష్ట్రవ్యాప్తంగా పాఠశాలలు, ఇతర విద్యాసంస్థలు జూన్ 17 వరకు మూసి ఉంటాయి. "
- నవీన్ పట్నాయక్, ముఖ్యమంత్రి
ఒడిశాలో ప్రస్తుతం కరోనా కేసుల సంఖ్య 44కు చేరింది. మరికొందరు అనుమానితులు క్వారంటైన్లో ఉన్నారు.
ఇదీ చూడండి: 'కరోనా వేళ జైలు గోడలే మాకు శ్రీరామ రక్ష'
