బంగాల్లో ఉగ్రవాదుల కోసం జాతీయ దర్యాప్తు సంస్థ(ఎన్ఐఎ) వేట కొనసాగిస్తోంది. తాజాగా మరో అల్ఖైదా ఉగ్రవాదిని అరెస్టు చేసింది. ఇతడిని పశ్చిమ్ బంగాలోని ముర్షిదాబాద్కు చెందిన షమీమ్ అన్సారీగా గుర్తించారు. జలంగీలోని తన నివాసంలో శనివారం అదుపులోకి తీసుకున్నట్లు అధికారులు వెల్లడించారు. నిందితుడి నుంచి ఫోన్ను స్వాధీనం చేసుకున్నట్లు స్పష్టం చేశారు.
"అల్ఖైదాకు చెందిన షమీమ్ అన్సారీని అరెస్టు చేశాం. సంస్థతో సంబంధాల గురించి విచారిస్తున్నాం. గతంలో అదుపులోకి తీసుకున్నవారిని కేరళలో కలిసినట్లు మా దగ్గర ప్రాథమిక సమాచారం ఉంది."
- ఎన్ఐఏ సీనియర్ అధికారి
ఇటీవల కేరళ వెళ్లిన షమీమ్.. కొద్ది రోజుల కిందే బంగాల్లోని తన ఇంటికి వచ్చినట్లు పోలీసుల ప్రాథమిక విచారణలో తేలింది.
అల్ఖైదా ఉగ్రవాద సంస్థకు అనుబంధంగా కార్యకలాపాలు సాగిస్తోన్న 9 మందిని జాతీయ దర్యాప్తు సంస్థ సెప్టెంబర్ 19న అదుపులోకి తీసుకుంది. బంగాల్, కేరళలో జరిపిన సోదాల్లో వీరు పట్టుబడ్డారు.
ఇవీ చూడండి:
అల్ఖైదా తీవ్రవాది ఇంట్లో అనుమానాస్పద గది
