'జల సంరక్షణకు ప్రతి రాష్ట్రంలో నోడల్​ ఏజెన్సీ'

దేశంలోని నదులు, చెరువులను సంరక్షించే దిశగా కీలక నిర్ణయం తీసుకుంది జాతీయ హరిత ట్రైబ్యునల్. నీటి వనరుల సంరక్షణకు ఒక నోడల్​ ఏజెన్సీని ఏర్పాటు చేసుకోవాలని అన్ని రాష్ట్రాలు , కేంద్రపాలిత ప్రాంతాలను ఆదేశించింది. వచ్చే ఏడాది జనవరిలోపు నోడల్ సభ్యులు సమావేశం అయి జిల్లా యంత్రాంగాలకు సూచనలు చేయాలని తెలిపింది.

దేశవ్యాప్తంగా నదులు, చెరువుల సంరక్షణకు ఎలాంటి ప్రణాళికలు లేనందున జాతీయ హరిత ట్రైబ్యునల్​ కీలక నిర్ణయం తీసుకుంది. అన్ని రాష్ట్రాలు, కేంద్రపాలిత ప్రాంతాలు ఒక నోడల్ ఏజెన్సీని ఏర్పాటు చేయాలని ఆదేశాలు జారీ చేసింది. 2021 జనవరి 31లోపు నోడల్ ఏజెన్సీ అధికారులు సమావేశం కావాలని నిర్దేశించింది. నీటి సంరక్షణపై ప్రణాళిక రూపొందించాలని సూచించింది.

గురుగ్రామ్​​లోని ఘటా సరస్సును పునరుద్ధరించాలంటూ మాజీ లెఫ్టినెంట్​ కల్నల్​​ సర్వధామన్ సింగ్ దాఖలు చేసిన పిటిషన్​ను విచారించిన ఎన్​జీటీ ఈ నిర్ణయం తీసుకుంది.