రఫేల్ ఒప్పందంపై కాంగ్రెస్ చేస్తోన్న విమర్శలను తిప్పికొట్టారు ప్రధాని నరేంద్రమోదీ. కాంగ్రెస్ తరహాలో కాకుండా దేశ భద్రతకు భాజపా కట్టుబడి ఉందని ఉద్ఘాటించారు. ఆర్టికల్ 370 రద్దును వ్యతిరేకిస్తున్నవారు.. అమరులైన సైనిక కుటుంబాలకు సమాధానమివ్వాలని డిమాండ్ చేశారు.
హరియాణా అసెంబ్లీ ఎన్నికల ప్రచారంలో భాగంగా వల్లభ్గఢ్ బహిరంగ సభలో ప్రసంగించారు మోదీ.
"ఆర్టికల్ 370 రద్దును వ్యతిరేకించే వారు స్వయం ప్రతిపత్తిని పునరుద్ధరిస్తామని వారి మేనిఫెస్టోలో చేర్చే ధైర్యం ఉందా? ఈ విషయంలో కాంగ్రెస్ మొసలి కన్నీరు కారుస్తోంది. కశ్మీర్లో అమాయక ప్రజలను కాపాడే క్రమంలో ఎంతో మంది సైనికులు అమరులయ్యారు. వారి కుటుంబాలకు కాంగ్రెస్ సమాధానమివ్వాలి. మేం కశ్మీర్ను అభివృద్ధి పథంలోకి నడిపిస్తాం. "
-నరేంద్రమోదీ, ప్రధానమంత్రి
ఇదీ చూడండి: తమిళనాడులో మరో ఇస్రో కేంద్రం! కారణం?
