మధ్యప్రదేశ్లోని రేవాలో ఓ దారుణ ఘటన ఆలస్యంగా వెలుగులోకి వచ్చింది. అత్యాచారానికి గురైన ఓ మైనర్.. ఈ నెల 7న తన శరీరానికి నిప్పంటించుకుంది. బాలిక ప్రస్తుతం ఆసుపత్రిలో చికిత్స పొందుతోందని పోలీసులు వెల్లడించారు. ఘటనకు సంబంధించిన నిందితుడిని అదుపులోకి తీసుకున్నట్టు పేర్కొన్నారు. అయితే నిందితుడు కూడా మైనర్ అని వివరించారు.
డబోరా సబ్డివిజనల్ పోలీస్ అధికారి బీపీ సింగ్ ప్రకారం.. ఇద్దరు మైనర్లు ప్రేమించుకున్నారు. అయితే.. తనను అత్యాచారం చేశాడని ఆ బాలిక నిప్పటించుకుంది.
"వాళ్లిద్దరి మధ్య ప్రేమ వ్యవహారం నడిచింది. బాధితురాలిపై అత్యాచారం జరిగిందా? లేదా? అన్నది వైద్యులు ధ్రువీకరిస్తారు. నిందితుడిని పట్టుకుని జువనైల్ కోర్టులో హాజరుపరిచాం."
--- బీపీ సింగ్, డబోరా సబ్డివిజనల్ పోలీస్ అధికారి.
ఘటనపై దర్యాప్తు చేపట్టినట్టు పోలీసులు స్పష్టం చేశారు.
ఇదీ చూడండి:- మైనర్పై కజిన్స్ అత్యాచారం- బాలికకు 4 నెలల గర్భం
