గతేడాది ఆగస్టు నుంచి నిర్బంధంలో ఉన్న జమ్ముకశ్మీర్ మాజీ ముఖ్యమంత్రి మెహబూబా ముఫ్తీని ఆమె అధికారిక నివాసానికి తరలించారు అధికారులు. అయితే ముఫ్తీ నివాసాన్నే జైలుగా మార్చి.. నిర్బంధంలోనే ఉంచనున్నట్లు స్పష్టం చేశారు.
ఆర్టికల్ 370 రద్దు నేపథ్యంలో పీడీపీ అధినేత్రి అయిన ముఫ్తీని.. ప్రజా భద్రతా చట్టం(పీఎస్ఏ) కింద గతేడాది ఆగస్టు 5న ఆధీనంలోకి తీసుకున్నారు అధికారులు. అప్పటినుంచి లాల్చౌక్ సమీపంలోని మౌలానా ఆజాద్ రోడ్లోని ప్రభుత్వ బంగ్లాలో నిర్బంధించారు. అదే బంగ్లాలోనే ఒమర్ అబ్దుల్లానూ ఉంచిన అధికారులు.. ఇటీవలే ఆయనను విడుదల చేశారు. తాజాగా ముఫ్తీని కూడా ఆమె స్వగృహానికి మార్చారు.
ఇదీ చదవండి: హజ్యాత్ర సొమ్ముతో అన్నార్తులకు సాయం
