దేశ రాజధాని దిల్లీలో దారుణం చోటుచేసుకుంది. బహిరంగంగా ఉమ్మేశాడని ప్రశ్నించటం వల్ల ప్రారంభమైన గొడవ ఓ యువకుడి ప్రాణాలను బలి తీసుకుంది. ఈ ఘటనలో ఒకరిని అరెస్టు చేశారు పోలీసులు.
బహిరంగ ప్రదేశంలో పదే పదే ఉమ్మి వేస్తున్న ప్రవీణ్ అనే వ్యక్తిని అంకిత్ వారించాడు. దీంతో వీరిద్దరి మధ్య ఘర్షణ మొదలై పరస్పరం భౌతిక దాడి చేసుకున్నారు. ఈ ఘర్షణకు సంబంధించి బుధవారం రాత్రి 8:30 గంటలకు పోలీస్‌స్టేషన్‌కు సమాచారం వచ్చింది. ఘటనా ప్రదేశానికి వెళ్లగా, అప్పటికే ఇద్దరు వ్యక్తులు రక్తపుమడుగులో ఉన్నారని పోలీసులు పేర్కొన్నారు.
"ఉమ్మేసిన విషయంలో అంకిత్, ప్రవీణ్ పోట్లాడుకున్నారు. ఇద్దరికీ గాయాలయ్యాయి. వీరిని ఆసుపత్రికి తరలించారు. అంకిత్కు అంతర్గతంగా అధిక రక్తస్రావం కావటం వల్ల మరణించాడు. హత్య కేసు నమోదు చేసి ప్రవీణ్ను అరెస్టు చేశాం."
- ఐష్ సింఘాల్, డీసీపీ, న్యూదిల్లీ
భాయ్ వీర్ సింగ్ మార్గ్లో నివసించే అంకిత్ డ్రైవర్గా పనిచేస్తున్నాడు. రాజా బజార్లో ఉండే ప్రవీణ్ నెట్వర్క్ ఇంజినీర్ అని తెలిసింది.
ఇదీ చూడండి: మూగజీవికి నరకయాతన.. ఈ సారి శునకం!
