మనుషులు, వన్యప్రాణుల మధ్య స్నేహం ఎప్పుడూ ప్రత్యేకంగానే నిలుస్తుంది. కర్నాటక కార్వార్ జిల్లాలోని హొన్నకేరి గ్రామంలో ఇలాంటి బంధం మనకు కనపడుతుంది. హొన్నకేరిలో నివసించే కృష్ణానంద శెట్టి ఇంటికి అరుదైన హార్న్బిల్ పక్షి రోజూ మూడు సార్లు వస్తోంది. రోజూ ఉదయం, మధ్యాహ్నం, సాయంత్రం ఈ హార్న్బిల్ తప్పకుండా ఆ ఇంటి వస్తుంది.
కృష్ణానంద శెట్టి ఇంటిలో హార్న్‌బిల్‌ను చూడడం నిజంగా చాలా అద్భుతంగా ఉందని స్థానికులు ఆనందపడుతున్నారు. హోన్నకేరి గ్రామంలో చాలా ఇళ్లు ఉన్నా హార్న్బిల్ శెట్టి ఇంటికి మాత్రమే వస్తోందని వారు తెలిపారు. శెట్టి కుటుంబం ఆహారం మాత్రమే తీసుకుంటుందని ఆశ్చర్యపడుతున్నారు.
కుటుంబంతో కలిసి..
ప్రారంభంలో కుటుంబ సభ్యులు అందించే ఆహారాన్ని తీసుకొని ఎగిరిపోయే హార్న్బిల్.. తర్వాత వారి కుటుంబంలో భాగమైపోయింది. ఆ కుటుంబంలోని పిల్లలతో పాటు కుటుంబ సభ్యులతో కూడా ఆడుకుంటోంది.
చాలా అరుదైన పక్షి..
పశ్చిమ కనుమ అడవుల్లో మాత్రమే కనిపించే హార్న్బిల్ పక్షులు.... కర్నాటకలో కనిపించడం చాలా అరుదని స్థానికులు తెలిపారు. భారీ ఆకారంతో విస్తారమైన రెక్కలతో ఈ పక్షి.. విమానాన్ని తలపిస్తుంది.
ఇదీ చూడండి: 'హయగ్రీవ పాయసం' రుచి చూస్తే మైమరచిపోవాల్సిందే!
