యుద్ధనౌకలో అగ్ని ప్రమాదం- ఒకరు మృతి

నిర్మాణంలో ఉన్న భారత నావికాదళ యుద్ధనౌకలో భారీ అగ్నిప్రమాదం జరిగింది. ముంబయిలోని మాజ్​గావ్​ ఓడరేవులో సంభవించిన ఈ ప్రమాదంలో చికిత్స పొందుతూ ఓ కార్మికుడు మృతి చెందినట్లు అధికారులు ధ్రువీకరించారు.

ముంబయిలోని మాజ్​గావ్​ ఓడరేవులో భారీ అగ్నిప్రమాదం జరిగింది. నిర్మాణంలో ఉన్న భారత నావికా దళానికి చెందిన యుద్ధనౌకలో ఒక్కసారిగా పెద్ద ఎత్తున మంటలు చెలరేగాయి. మంటల్లో చిక్కుకుని గాయాలపాలైన ఓ కార్మికుడు ఆసుపత్రిలో చికిత్స పొందుతూ మృతి చెందాడు. వెంటనే ఘటనా స్థలానికి చేరుకున్న అగ్నిమాపక సిబ్బంది మంటలను అదుపు చేశారు. ప్రమాదానికి గల కారణాలు తెలియాల్సి ఉంది.