మహారాష్ట్ర ముఖ్యమంత్రి దేవేంద్ర ఫడణవీస్తో సహ మంత్రులు నీటి బిల్లులు బకాయి పడ్డ వార్తలను ఆ రాష్ట్ర ప్రజా పనుల శాఖ ఖండించింది. ఆ బిల్లులు ముందే చెల్లించారని, అయితే సర్దుబాటులో చిన్న తేడా కారణంగా గతేడాది లెక్కలను పరిగణనలోకి తీసుకోకపోవటమే ఈ తప్పిదానికి కారణమని తెలిపింది.
"అధికారిక భవనాల పేర్ల మీదనే బిల్లు ఉన్నాయి. వీటిని వ్యక్తిగత ఖాతాలకు ఆపాదించటం సరైన చర్య కాదు. ముఖ్యమంత్రితో పాటు మంత్రులు నీటి బిల్లులను 2018 నవంబర్లోనే చెల్లించారు. అయితే బకాయి క్లియరెన్స్ ప్రక్రియలో భాగంగా పాతవాటిని పరిగణనలోకి తీసుకోలేదు. "
-మహారాష్ట్ర ప్రజాపనుల శాఖ
ఇదీ జరిగింది..
సీఎంతో సహ మంత్రుల అధికారిక నివాసాలకు సంబంధించి నీటి బిల్లులు పెండింగ్లో ఉన్నాయని సమాచార హక్కు ప్రశ్నకు సమాధానంగా బృహన్ ముంబయి నగరపాలక సంస్థ(బీఎంసీ) పేర్కొంది. ఈ మేరకు సీఎం అధికారిక భవనం 'వర్ష'తో పాటు 18 మంది రాష్ట్ర మంత్రుల భవనాలను పన్ను ఎగవేత జాబితాలో చేర్చినట్టు తెలిపింది. సుధీర్ ముంగన్తివార్, వినోద్ తావ్డే, పంకజ్ ముండే, రాందాస్ కదమ్, ఏక్నాథ్ శిందే సహా మరికొందరు మంత్రులు ఈ జాబితాలో ఉన్నట్టు వెల్లడించింది.
ఇదీ చూడండి: సీఎం ఇంటి నీటి బిల్లు బకాయి రూ. 7లక్షలు!
