మహారాష్ట్రలో మరోసారి అధికారపీఠాన్ని అధీష్టించేందుకు భాజపా వ్యూహాలు రచిస్తోంది. ఇందులో భాగంగా ప్రధాని నరేంద్రమోదీతో నాలుగు రోజుల్లో తొమ్మిది ఎన్నికల ర్యాలీలు నిర్వహించనుంది. ఈ నెల 21న ఎన్నికలు జరగనున్న నేపథ్యంలో 18వ తేదీన ముంబయిలో ఓటర్లనుద్దేశించి ప్రధాని ప్రసంగించనున్నారని కేంద్రమంత్రి స్మృతి ఇరానీ తెలిపారు.
" ఆదివారం భందారా జిల్లాలోని జల్గావ్, సకోలీ ప్రాంతాల్లో జరగనున్న ర్యాలీల్లో ప్రధాని పాల్గొంటారు. 16వ తేదీన అకోలా, పన్వేల్, పార్తూర్ సభల్లో మోదీ ప్రసంగిస్తారు. ఆ తర్వాతి రోజున పుణె, పర్లీలో ఓటర్లనుద్దేశించి ప్రధాని మాట్లాడతారు."
- స్మృతి ఇరానీ, కేంద్రమంత్రి
ఫడనవీస్ ప్రభుత్వం భేష్..
మహారాష్ట్రలో రైతులకోసం ఫడనవీస్ ప్రభుత్వం చాలా చేస్తోందని కొనియాడారు ఇరానీ. ఐదేళ్ల పరిపాలనలో వ్యవసాయరంగానికి రూ.1.5లక్షల కోట్లు ఖర్చు చేసినట్లు తెలిపారు. రైతుల పంట రుణాలు మాఫీ చేయడానికి భాజపా సర్కారు రూ.21,950 కోట్లు విడుదల చేసిందన్నారు. గత కాంగ్రెస్, ఎన్సీపీ ప్రభుత్వాలు 15 ఏళ్లలో కేవలం రూ.7,500 కోట్లు మాత్రమే మాఫీ చేశాయన్నారు కేంద్రమంత్రి.
ఇదీ చూడండి : ఆసక్తికరంగా జిన్పింగ్ తొలిరోజు పర్యటన
