ప్రపంచవ్యాప్తంగా జూన్ 21న అంతర్జాతీయ యోగా దినోత్సవ వేడుకలు జరగనున్నాయి. ఈ వేడుకల కోసం భారత్లో ప్రతి ఏటా ఓ ప్రధాన వేదికను నిర్ణయిస్తుంది ప్రభుత్వం. ఈసారి ఆ అవకాశం లద్దాఖ్ రాజధాని లేహ్ను వరించింది. ఈ విషయాన్ని ఆయుష్ మంత్రిత్వశాఖ వెల్లడించింది. ఈ కార్యక్రమానికి ప్రధానమంత్రి నరేంద్ర మోదీ ముఖ్య అతిథిగా హాజరవుతారని వెల్లడించారు అధికారులు.
ఈ కార్యక్రమంలో మోదీ పలు యోగాసనాలు వేయనున్నారు. సుమారు 15 నుంచి 20 వేల మంది ఈ వేడుకల్లో పాల్గొంటారని అంచనా.
"ఐడీవై(ఇంటర్నేషనల్ డే ఆఫ్ యోగా)-2020 చాలా ప్రత్యేకమైనది, భిన్నమైనది. లేహ్ వంటి అత్యంత ఎత్తయిన ప్రాంతంలో.. ఈ కార్యక్రమం నిర్వహించడం ఇదే తొలిసారి."
-- శ్రీపాద్ నాయక్, ఆయుష్ మంత్రి
సీఐఐ, ఎఫ్ఐసీసీ, ఇన్స్టిట్యూట్ ఆఫ్ కంపెనీ సెక్రటరీ వంటి పరిశ్రమలు.. సీబీఎస్ఈ, ఎన్సీఈఆర్టీ, యూజీసీ, డీఏవీ వంటి విద్యాసంస్థలు.. జూన్ 21 కోసం ఇప్పటికే అనేక కార్యక్రమాలను సిద్ధం చేసే పనిలో పడ్డాయి.
గతేడాది..
2015 నుంచి అంతర్జాతీయ యోగా దినోత్సవం వేడుకలను నిర్వహిస్తోంది ఆయుష్ మంత్రిత్వ శాఖ. ఈ వేడుకలు గతేడాది ఝార్ఖండ్లోని రాంచీలో జరిగాయి.
ఇదీ చదవండి: దేశంలో మరొకరికి కరోనా.. 62కు చేరిన బాధితులు
