జమ్ముకశ్మీర్ త్వరలోనే రెండు కేంద్ర పాలిత ప్రాంతాలుగా మారనున్న నేపథ్యంలో ప్రభుత్వ పరిపాలన విభాగం కీలక నిర్ణయం తీసుకుంది. శాసన మండలిని రద్దు చేస్తూ ఉత్తర్వులు జారీ చేసింది. ఈ ఆదేశాలతో 62 ఏళ్ల చరిత్రకు ముగింపు పలికినట్లయింది.
మండలిలోని 116 మంది సిబ్బంది.. ఈనెల 22లోపు సాధారణ పరిపాలన విభాగంలో హాజరుకావాలని ఆదేశించారు ప్రభుత్వ కార్యదర్శి ఫరూక్ అహ్మద్ లోన్. మండలి కోసం కొనుగోలు చేసిన వాహనాలను ప్రభుత్వ మోటారు గ్యారేజీలకు పంపాలని.. మండలి భవనం, సామగ్రి, ఎలక్ట్రానిక్ పరికరాలను ఎస్టేట్ డైరెక్టర్కు అప్పగించాలని ఉత్తర్వులు జారీ చేశారు.
అక్టోబర్ 31 అర్ధరాత్రి నుంచి...
అక్టోబర్ 31 అర్ధరాత్రి నుంచి జమ్ముకశ్మీర్ రెండు కేంద్ర పాలిత ప్రాంతాలు.. లద్దాఖ్, జమ్ముకశ్మీర్గా విడిపోనుంది. దేశ రాజధాని దిల్లీ తరహాలో జమ్ముకశ్మీర్కు అసెంబ్లీ ఉంటుంది.
1957లో ఏర్పాటు...
జమ్ముకశ్మీర్ శాసన మండలిని 1957లో ఏర్పాటు చేశారు. ఇందులో 36 మంది సభ్యులు ఉంటారు. 87 స్థానాలు కలిగిన రాష్ట్ర అసెంబ్లీకి ఎగువసభగా పనిచేసేది.
ఇదీ చూడండి: సౌదీ ప్రమాదంలో భారతీయులు ఉన్నారా!
