దేశీయంగా తయారు చేసిన నాలుగు యాంటీ సబ్మరైన్ యుద్ధ నౌకల్లో చివరిదైన 'ఐఎన్ఎస్ కవరత్తి'ని గురువారం నావికాదళంలో చేర్చనున్నారు. విశాఖపట్నం వేదికగా సైనికాధిపతి జనరల్ నరవణె యుద్ధనౌకను నావికా దళానికి అప్పగిస్తారు.
భారత నౌకాదళ అంతర్గత సంస్థ డైరెక్టరేట్ ఆఫ్ నేవల్ డిజైన్ దీనిని రూపొందించగా.. గార్డెన్ రీచ్ షిప్ బిల్డర్స్ అండ్ ఇంజనీర్స్ ఈ నౌక నిర్మాణానికి కృషి చేసింది.
ఈ నౌక సెల్ఫ్ డిఫెన్స్, డిటెక్టింగ్ వంటి అధునాతన సాంకేతికతను కలిగి ఉందని భారత నేవీ అధికారులు పేర్కొన్నారు. ప్రాజెక్టు 28లో భాగంగా ఈ నౌకను విశాఖపట్నం నావల్ డాక్యార్డ్కు పంపనున్నట్లు తెలిపారు.
ఈ నౌక తయారీలో 90 శాతం స్వదేశంలో చేసిన వస్తువులే వాడారు. కొంత భాగం కార్బన్ సమ్మిళిత పదార్ధాలను ఉపయోగించడం విశేషమని నేవీ తెలిపింది. ఇది భారత్ ప్రతిభకు నిదర్శనమని ఉద్ఘాటించింది.
ఇదీ చదవండి:2024 నాటికి మరో వంద విమానాశ్రయాలు.!
