టీఎంసీకి ఎమ్మెల్యే రాజీనామా- 24 గంటల్లో యూటర్న్​

అంతర్గత కారణాల వల్ల తృణమూల్​ కాంగ్రెస్​ను వీడిన ఎమ్మెల్యే జితేంద్ర తివారీ.. తిరిగి పార్టీలోనే కొనసాగుతున్నట్లు ప్రకటించారు. రాజీనామా చేసిన 24 గంటల్లోనే జితేంద్ర యూటర్న్​ తీసున్నారు.

తృణమూల్ కాంగ్రెస్ అసంతృప్త ఎమ్మెల్యే జితేంద్ర తివారీ యూ టర్న్ తీసుకున్నారు. గురువారం రాజీనామా చేసిన జితేంద్ర.. 24 గంటల్లోనే తిరిగి పార్టీలో చేరుతున్నట్లు ప్రకటించారు. ఈ సందర్భంగా పార్టీ అధినేత్రి, బంగాల్ ముఖ్యమంత్రి మమతా బెనర్జీకి క్షమాపణలు చెప్పారు.

టీఎంసీ ఎమ్మెల్యే అనూప్ బిశ్వాస్​ను కలిసి తాను పార్టీలోనే ఉండి.. భాజపాపై పోరాడుతానని తెలిపారు జితేంద్ర తివారీ. అంతకు ముందే తాను భాజాపాలో చేరుతున్నట్లు వచ్చిన వార్తలను తోసిపుచ్చారు.

ఇదీ చూడండి:కేంద్ర హోంశాఖ ముందుకు బంగాల్​ సీఎస్​, డీజీపీ