రాజస్థాన్ ఉదయ్పుర్ ఘంటాధర్ పోలీస్ స్టేషన్ పరిధిలో.. మానవత్వం సిగ్గుపడే ఘటన జరిగింది. డబ్బుపై వ్యామోహంతో కట్టుకున్న భార్యను స్నేహితులకు అమ్మేశాడు ఓ కీచక భర్త.
చిత్రహింసలు పెట్టి...
జావేద్ ఖాన్ నిత్యం మద్యం మత్తులో తేలుతుండేవాడు. ఆ మైకంలోనే.. స్నేహితులతో కలిసి భార్యను శారీరకంగా హింసించేవాడు. భార్యను అశ్లీలంగా చిత్రీకరించి... తాను చెప్పినట్టు చేయకుంటే వాటిని సామాజిక మాధ్యమాల్లో పెడతానని బ్లాక్మెయిల్ చేసేవాడు. తన వేదన పక్కవారికి చెప్పుకోలేక దుఃఖాన్ని దిగమింగి బతికింది ఆమె. తాజాగా స్నేహితుల దగ్గర డబ్బు తీసుకుని ఆమెను వారికి అప్పగించేశాడు జావేద్.
శారీరకంగా, మానసికంగా చిత్రవధకు గురైనా బాధితురాలు ఆ నరకం నుంచి కాపాడమని పోలీసులను వేడుకుంది. దీంతో ఆమెకు వైద్యం అందించి.. భర్త జావేద్ ఖాన్, అతడి స్నేహితుడు మోనూను అదుపులోకి తీసుకుని విచారిస్తున్నారు పోలీసులు.
ఇదీ చదవండి:లాక్డౌన్ కలిపిన కథ: 4 ఏళ్ల తర్వాత తిరిగొచ్చిన సోదరి
