ట్రాఫిక్ 'ఉల్లంఘనుడి'కి రూ.42 వేలు ఫైన్​

ట్రాఫిక్​ నిబంధనలు పదే పదే ఉల్లంఘిస్తున్న బెంగుళూరులోని ఓ వ్యక్తికి ట్రాఫిక్ పోలీసులు షాక్ ఇచ్చారు. రూ.42వేల 500 జరిమానా విధించారు. అతడు 77 సార్లు నిబంధనలు అతిక్రమించినట్లు పేర్కొన్నారు.

కర్ణాటక బెంగళూరులో ట్రాఫిక్ నిబంధనలను లెక్క చేయకపోవడం అలవాటుగా మారిన ఓ వ్యక్తికి ఏకంగా రూ.42వేల 500 జరిమానా విధించారు పోలీసులు.

ట్రాఫిక్ 'ఉల్లంఘనుడి'కి రూ.42వేల చలానా

బెంగళూరులో శుక్రవారం సాధారణ తనిఖీలు నిర్వహిస్తున్న ట్రాఫిక్​ పోలీసులు.. ద్విచక్ర వాహనంపై వెళ్తున్న అరుణ్​ కుమార్​ను ఆపారు. అతడిపై అప్పటికే 77 ట్రాఫిక్ ఉల్లంఘన కేసులు ఉన్నట్లు గుర్తించి రూ.42,500 జరిమానా విధించారు. 2 మీటర్ల పొడవున్న ఆ చలానాను అతనికి అందజేశారు. రూ.20వేలతో అరుణ్ కొనుగోలు చేసిన సెకండ్ హ్యాండ్ స్కూటీని జప్తు చేసినట్లు పోలీసులు తెలిపారు.