కశ్మీర్ యాపిల్స్కు ప్రపంచవ్యాప్తంగా మంచి పేరు ఉంది. వీటి మార్కెట్ను మరింత పెంచేందుకు, సాగును రైతులకు లాభసాటి చేసేందుకు కేంద్రం ఓ నిర్ణయం తీసుకుంది. జాతీయ సహకార మార్కెటింగ్‌ సమాఖ్య (నాఫెడ్) ద్వారా రైతుల నుంచి నేరుగా యాపిల్స్ను కొనుగోలు చేయాలని నిర్ణయించింది. డిసెంబర్ 15లోగా ఈ ప్రక్రియ పూర్తి చేస్తామని అధికారులు తెలిపారు.
వ్యవసాయ ఉత్పత్తులకు సరైన మార్కెట్ను అందించి, రైతులకు లాభం చేకూర్చేందుకు నాఫెడ్ కృషి చేస్తోంది.
ఈ యాపిల్స్ను రైతల నుంచి నేరుగా సేకరిస్తారు. రాష్ట్ర ప్రభుత్వం వారి బ్యాంకు ఖాతాల్లో డబ్బులు జమ చేయనుంది. జమ్ముకశ్మీర్లోని అన్ని జిల్లాలు, సోపోర్, సోపియన్, శ్రీనగర్లోని హోల్సేల్ మార్కెట్ల నుంచి ఏ,బీ, సీ కేటగిరి యాపిల్స్ను సేకరించనున్నట్లు అధికారులు తెలిపారు. మద్దతు ధరను ఆయా యాపిల్స్ను బట్టి నాణ్యత కమిటీ నిర్ణయిస్తుంది. జమ్ముకశ్మీర్ ప్రధాన కార్యదర్శి ఈ కమిటీకి ఛైర్మన్గా వ్యవహరిస్తారు.
కశ్మీర్ లోయ నుంచి రోజూ 750 ట్రక్కుల యాపిల్స్ దేశంలోని వివిధ ప్రాంతాలకు రవాణా అవుతాయని జాతీయ భద్రత సలహాదారు అజిత్ డోభాల్ ఇటీవల తెలిపారు.
పాక్కు దీటుగా...
కశ్మీర్లో అధికరణ 370 రద్దు అనంతరం ఉగ్రవాదులు ఇక్కడి యాపిల్ రైతులను పంటను మార్కెట్లో అమ్మకుండా నిరసన తెలపాలని ప్రకటించారు. ఇలాంటి వాటిని ఎదుర్కొనేలా.. రైతులకు మంచి ధర కల్పించేందుకు కేంద్రం సరైన నిర్ణయం తీసుకుందని మార్కెట్ నిపుణులు అభిప్రాయపడుతున్నారు.
- ఇదీ చూడండి: లైవ్ వీడియో: వరదల్లో కొట్టుకుపోయిన లారీ
