తమిళనాడులో సంచలనం సృష్టించిన తండ్రీకొడుకుల లాకప్ డెత్ కేసులో కీలక విషయాలు వెలుగు చూశాయి. జయరాజ్, అతని కుమారుడు బెనిక్స్ అరెస్టయిన తర్వాత రాత్రంతా సత్తానుకులం పోలీసులు తీవ్రంగా కొట్టినట్లు మహిళా కానిస్టేబుల్ రేవతి వెల్లడించారు.
ఈ కేసుకు సంబంధించి మద్రాసు హైకోర్టు నియమించిన జుడీషియల్ మేజిస్ట్రేట్కు హెడ్ కానిస్టేబుల్ రేవతి 4 పేజీల నివేదిక అందించారు. రేవతితోపాటు ఆమె కుటుంబానికి భద్రత కల్పించాలని మేజిస్ట్రేట్ ఆదేశించారు. ఆ తర్వాతే తన వాంగ్మూలంపై సంతకం చేశారు రేవతి.
"లాక్డౌన్ నిబంధనలు ఉల్లంఘించినందుకు జూన్ 19న జయరాం, బెనిక్స్ అరెస్టయ్యారు. ఆ రోజు రాత్రంతా కొంతమంది పోలీసులు వారిపై విచక్షణారహితంగా దాడి చేశారు. లాఠీలతో ఓ టేబుల్పై రక్తపు మరకలు ఉన్నాయి. ఆ మరకలను తొలగించకముందే సేకరించాలి."
- రేవతి వాంగ్మూలం
పోలీసుల తీరుపై..
అనంతరం రేవతి వాంగ్మూలం సహా దర్యాప్తు వివరాలను హైకోర్టుకు సమర్పించారు మేజిస్ట్రేట్. అయితే విచారణ సమయంలో సత్తానుకులం పోలీసులు సహకరించలేదని మేజిస్ట్రేట్ ఆరోపించారు. జూన్ 28న విచారణ కోసం వెళ్లగా తనను భయపెట్టేలా ప్రవర్తించారని చెప్పారు.
"చాలా సార్లు అడిగితే తప్ప వివరాలు అందించలేదు. లాఠీలు ఇవ్వమని అడినప్పుడు అందులో ఒక అధికారి గోడ దూకి పారిపోయాడు. మరొకరు నన్ను భయపెట్టేలా బాడీ లాంగ్వేజ్ ప్రదర్శించాడు. ఓ కానిస్టేబుల్ అసభ్యకర వ్యాఖ్యలు చేశాడు. నిజం చెబితే తీవ్ర పరిణామాలు ఎదుర్కోవాల్సి వస్తుందని రేవతిని కూడా బెదిరించారు."
- మేజిస్ట్రేట్
ఈ విషయంలో ఏఎస్పీ డి.కుమార్, డీఎస్పీ ప్రతాపన్, కానిస్టేబుల్ మహారాజన్కు హైకోర్టు సమన్లు జారీ చేసింది. ఈ మేరకు ముగ్గురు అధికారులు మంగళవారం కోర్టు ఎదుట హాజరయ్యారు. అధిక ఒత్తిడికి గురికావటం వల్ల మేజిస్ట్రేట్పై తప్పుగా ప్రవర్తించానని కానిస్టేబుల్ వివరణ ఇచ్చాడు.
సీసీటీవీ దృశ్యాల గురించి..
సీసీటీవీ నిర్వహణపైనా మేజిస్ట్రేట్ కోర్టుకు నివేదించారు. హార్డ్డిస్క్ సామర్థ్యం 1టీబీ ఉన్నా ఒక రోజు తర్వాత దృశ్యాలు వాటంతట అవే డిలీట్ అయ్యేలా సెట్టింగ్స్ చేశారని ఆరోపించారు.
ఆధారాలు మాయం చేయటానికి పోలీసులు ప్రయత్నిస్తున్నారని ఇప్పటికే హైకోర్టు వ్యాఖ్యానించింది.
అయితే జయరాజ్, బెనిక్స్ ఇద్దరూ తమనుతాము గాయపరుచుకున్నారని సత్తానుకలం పోలీసులు తొలుత వాదించారు. అరెస్ట్ చేస్తున్న సమయంలోనూ తమపై దురుసుగా ప్రవర్తించినట్లు ఆరోపించారు.
సీబీఐ విచారణకు..
లాక్డౌన్ నిబంధనలను అతిక్రమించి.. వారి సెల్ఫోన్ దుకాణాన్ని తెరిచినందుకు పి. జయరాజ్, బెనిక్స్ను అరెస్ట్ చేశారు తమిళనాడు పోలీసులు. అనంతరం వారు కస్టడీలోనే ప్రాణాలు కోల్పోయారు. ఇది దేశవ్యాప్తంగా చర్చకు దారి తీసింది. ఈ ఘటనపై కారణమైన ఇద్దరు ఎస్ఐలను, నలుగురు పోలీసు సిబ్బందిని ఇప్పటికే సస్పెండ్ చేశారు.
ఈ కేసును సీబీఐకి బదిలీ చేయాలని తమిళనాడు ప్రభుత్వం నిర్ణయించింది. అయితే సీబీఐ ఛార్జి తీసుకునే వరకు సీబీ- సీఐడీతో విచారణ జరపాలని మద్రాసు హైకోర్టు ఆదేశించింది.
రజినీకాంత్ ఆగ్రహం..
ఈ ఘటనపై సూపర్స్టార్ రజినీకాంత్ ఆగ్రహం వ్యక్తం చేశారు. విచారణ సమయంలో మేజిస్ట్రేట్పై దురుసుగా ప్రవర్తించడాన్ని తప్పుబడుతూ కోపంతో ఉన్న తన ఫొటోను షేర్ చేశారు.
-
#சத்தியமா_விடவே_கூடாது pic.twitter.com/MLwTKg1x4a
— Rajinikanth (@rajinikanth) July 1, 2020 " class="align-text-top noRightClick twitterSection" data="
">#சத்தியமா_விடவே_கூடாது pic.twitter.com/MLwTKg1x4a
— Rajinikanth (@rajinikanth) July 1, 2020#சத்தியமா_விடவே_கூடாது pic.twitter.com/MLwTKg1x4a
— Rajinikanth (@rajinikanth) July 1, 2020
"తండ్రీకొడుకులను చిత్రహింసలు పెట్టి చంపడాన్ని దేశమంతా వ్యతిరేకిస్తోంది. కానీ, మేజిస్ట్రేట్ విచారణ సమయంలో పోలీసుల దురుసు ప్రవర్తన నన్ను విస్మయానికి గురిచేసింది. ఈ కేసుతో సంబంధమున్న ప్రతి ఒక్కరికి తగిన శిక్ష పడాలి. ఎవర్నీ విడిచిపెట్టకూడదు."
- రజినీకాంత్
ఇదీ చూడండి: 'అక్కడ జార్జి ఫ్లాయిడ్.. ఇక్కడ జయరాజ్-బెనిక్స్'
