ఇమామీ సంస్థ ఉత్పత్తుల టీవీ వాణిజ్య ప్రకటనలు హిందుస్థాన్ యూనిలివర్ ప్రైవేటు లిమిటెడ్(హెచ్యూఎల్) ఉత్పత్తులను కించపరిచే విధంగా లేవని దిల్లీ హైకోర్టు తీర్పునిచ్చింది.
ప్రత్యేకంగా పురుషుల కోసం ఇమామీ సంస్థ రూపొందించిన 'ఫెయిర్ అండ్ హ్యాండ్సమ్' టీవీ వాణిజ్య ప్రకటన 'ఫెయిర్ అండ్ లవ్లీ'ని అవమానపరిచే విధంగా ఉందని దిల్లీ కోర్టులో మధ్యంతర వ్యాజ్యం దాఖలు చేసింది హెచ్యూఎల్. ఇమామీ టీవీ ప్రకటనలను తక్షణమే నిషేధించాలని అభ్యర్థనలో పేర్కొంది.
ఇమామీ టీవీ వాణిజ్య ప్రకటనలో హెచ్యూఎల్ ఉత్పత్తులను చులకన చేసి చూపే విషయాలేమీ లేవని అభిప్రాయపడుతున్నట్లు కేసును విచారించిన న్యాయమూర్తి జస్టిస్ జయంత్ నాథ్ తెలిపారు.
హెచ్యూఎల్ దాఖలు చేసిన పూర్తిస్థాయి వాజ్యంపై జులై 11న వాదనలు విననుంది న్యాయస్థానం.
హెచ్యూఎల్ అభియోగాలు
- ఫెయిర్ అండ్ హ్యాండ్సమ్ ప్రకటనలో పురుషులు స్త్రీల ఫెయిర్నెస్ క్రీంను వాడటాన్ని అవమానంగా చూపారు.
- ఇమామీ ఉత్పత్తిలో 'నియాసినామైడ్'ను ఉపయోగించారు. దీనిని స్త్రీల ఫెయిర్నెస్ క్రీంలోనూ వినియోగిస్తారు.
- ఫెయిర్ అండ్ లవ్లీ వాడటం వల్ల ఎలాంటి మార్పు ఉండదని తక్కువ చేసి చూపుతూ ఇమామీ టీవీ ప్రకటన రూపొందించారు. ఇది హెచ్యూఎల్ ఉత్పత్తులను హేళన చేయడమే.
- ఫెయిర్ అండ్ హ్యాండ్సమ్ ట్యూబ్ ఫెయిర్ అండ్ లవ్లీ ట్యూబ్ను తలపించే విధంగా ఉంది.
ఇదీ చూడండి:తగ్గనున్న ఈఎంఐ- ఏడాది కనిష్ఠానికి వడ్డీరేటు
