లాక్డౌన్ సమయంలో సిబ్బందిని తొలిగించడం, వేతనాలు చెల్లించకపోవడం, విద్యార్థులను ఫీజులు చెల్లించమని ఒత్తిడి చేయడం వంటివి చేయకూడదని ఇంజనీరింగ్ కళాశాలలు, ఇతర సాంకేతిక సంస్థలను హెచ్చరించింది ఆల్ ఇండియా కౌన్సిల్ ఆఫ్ టెక్నాలజీ ఎడ్యుకేషన్ (ఏఐసీటీఈ). వీటిపై మానవ వనరుల అభివృద్ధి మంత్రిత్వశాఖ ఆధ్వర్యంలోని సాంకేతిక విద్యా నియంత్రణ విభాగానికి వచ్చిన ఫిర్యాదుల మేరకు ఏఐసీటీఈ స్పందించింది.
వారిని ఇబ్బంది పెట్టొద్దు!
ఇటువంటి క్లిష్ట పరిస్థితుల్లో విద్యార్థులు ప్రవేశ రుసుముతో సహా ఫీజులను చెల్లించాలని కొన్ని సంస్థలు పట్టుబడుతున్నాయని ఏఐసీటీఈకి సమాచారం అందింది. దీంతో దేశంలో పరిస్థితులు సాధారణ స్థితికి చేరుకున్నంత వరకు విద్యార్థులను, సిబ్బందిని ఒత్తిడికి గురి చేయకూడదని ఏఐసీటీఈ కార్యదర్శి రాజీవ్ కుమార్ స్పష్టం చేశారు. తొలిదశ లాక్డౌన్ విధించినప్పటికే విద్యాసంస్థలు మూసివేసి, పరీక్షలు వాయిదా వేశారు. వైరస్ వ్యాప్తి కొనసాగటం వల్ల మే 3 వరకు లాక్డౌన్ పొడిగించారు.
లాక్డౌన్ అనంతరం యథాతథం..
ప్రస్తుత సెమిస్టర్కు ఆన్లైన్ క్లాసులు జరుగుతున్నాయి. పరీక్షల విధివిధానాలు, నిర్వహణ, మార్కుల ప్రక్రియకు సంబంధించి ప్రత్యేక కమిటీని ఏర్పాటు చేసింది యూనివర్సీటి గ్రాంట్ కమిషన్ (యూజీసీ). లాక్డౌన్ సమయంలో అంతర్జాల సేవలపై పరిమితులు వల్ల ప్రధాన మంత్రి స్పెషల్ స్కాలర్షిప్ పథకం (పీఎంఎస్ఎస్ఎస్) ఉపకార వేతనాల్లో ఆలస్యం జరిగిందని, సాధారణ పరిస్థితి చేరిన తర్వాత యథాతథంగా ఈ పథకం కొనసాగుతుంది స్పష్టం చేశారు రాజీవ్.
ఇదీ చూడండి: 'రాహుల్.. మీ సీఎంలు ముందే అలా ఎందుకు చేశారు?'
