బిహార్ ఎన్నికలు సమీపిస్తున్న వేళ రాజకీయ పార్టీలకు కేటాయించిన బ్రాడ్కాస్ట్, టెలికాస్ట్‌ సమయాన్ని రెట్టింపు చేస్తూ రాష్ట్ర ఎన్నికల కమిషన్(ఈసీ) ఆదేశాలు జారీ చేసింది. కరోనా వ్యాప్తి నేపథ్యంలో పరోక్ష ఎన్నికల ప్రచారాన్ని ప్రోత్సహించేందుకు గాను ఈసీ ఈ నిర్ణయం తీసుకుంది. అయితే ప్రసార సమయం పెంపు కేవలం గుర్తింపు పొందిన జాతీయ, రాష్ట్ర పార్టీలకే వర్తిస్తుందని ఈసీ స్పష్టం చేసింది.
దీని ప్రకారం గుర్తింపు పొందిన రాజకీయ పార్టీలు.. దూరదర్శన్‌, ఆలిండియా రేడియో ద్వారా 90 నిమిషాల పాటు ఎన్నికల ప్రచారాలను చేసుకునే వెసులుబాటు ఉంటుంది. నామినేషన్‌ ప్రక్రియ ముగిసిన తేది నుంచి పోలింగ్‌కు రెండు రోజుల ముందు వరకు ఆయా రాజకీయ పార్టీలు ప్రచారం చేసుకోవచ్చని ఈసీ పేర్కొంది.
ఇదీ చదవండి- 'నితీశ్ కుమార్.. నా తండ్రిని అవమానించారు'
