దేశంలో బ్లడ్ క్యాన్సర్ చికిత్స కోసం 'ఇన్విస్టా' పేరిట జనరిక్ డ్రగ్ను విడుదల చేసింది దిగ్గజ ఔషధ సంస్థ డాక్టర్ రెడ్డీస్ ల్యాబొరేటరీ. డాసాటినిబ్ ఔషధం ఫార్ములేషన్ ఆధారంగా ఈ డ్రగ్ను ఉత్పత్తి చేసినట్లు తెలిపింది.
పేటెంట్ ముగిసిన ఒక్క రోజులోనే...
డాసాటినిబ్పై పేటెంట్ బ్రిస్టల్-మైర్స్-స్విబ్ పేరిట ఉంది. భారత్లో ఈ పేటెంట్ ఏప్రిల్ 12న ముగిసింది. మరుసటి రోజే జనరిక్ వెర్షన్ను విడుదల చేసింది డాక్టర్ రెడ్డీస్.
క్రానిక్ మైలాయిడ్ లుకేమియా (సీఎంఎల్) చికిత్సలో ఉపయోగించే ఇన్విస్టా 50, 70, 100 మిల్లీగ్రాముల మాత్రలలో అందుబాటులో ఉంటుంది.
పశ్చిమ దేశాలతో పోల్చితే భారత్లో సీఎంఎల్ బారిన పడే వారి సగటు వయసు దాదాపు పదేళ్లు తక్కువగా ఉంది. ఏటా కొత్తగా 9 వేల మందికి ఈ వ్యాధి సోకినట్లు నిర్ధరణ అవుతోంది.
"ఇన్విస్టా అభివృద్ధి, విడుదల... భారత్లోని సీఎంఎల్ రోగులకు చౌక ధరకే మేలైన ఔషధాలు అందించే దిశగా పడిన ముందడుగు."
-ఎంవీ రమణ, డాక్టర్ రెడ్డీస్ సీఈఓ(బ్రాండెడ్ మార్కెట్స్)
ఇదీ చూడండి: దేశంలో కరోనా విజృంభణ- పలు రాష్ట్రాల్లో లాక్డౌన్ కొనసాగింపు
