లోక్సభ ఎన్నికల సమయం దగ్గర పడుతున్న కొద్దీ ప్రధాన పార్టీలు పొత్తులపై వ్యూహాలు రచిస్తున్నాయి. రానున్న ఎన్నికల్లో విజయమే లక్ష్యంగా అన్ని పార్టీలు బరిలోకి దిగనున్నాయి. కేంద్రంలో ఈసారైనా అధికారం చేపట్టాలని కాంగ్రెస్ పావులు కదుపుతోంది. దేశవ్యాప్తంగా కూటముల జోరు పెంచుతూ... ఎన్నికలకు సన్నద్ధమవుతోంది. దిల్లీలో కాంగ్రెస్ పార్టీ కూటమి విషయంపై స్పష్టతనిచ్చారు ఆ పార్టీ అధినేత రాహుల్గాంధీ. దేశవ్యాప్తంగా కూటమి సన్నాహాలు జరుగుతున్నాయని... దిల్లీలో మాత్రం ఒంటరిగానే పోటీ చేస్తామని కాంగ్రెస్ అధ్యక్షుడు తెలిపారు.
" రానున్న లోక్సభ ఎన్నికలకు మహారాష్ట్ర, తమిళనాడు, ఝార్ఖండ్ తదితర రాష్ట్రాల్లో కాంగ్రెస్ పార్టీ కూటమి ఏర్పాటు చేసింది. దిల్లీలో మాత్రం ఒంటరిగానే పోటీ చేయాలని మా పార్టీ నేతలు ఏకగ్రీవ తీర్మానం చేశారు. దేశ వ్యాప్తంగా కూటమి సన్నాహాలు కొనసాగుతున్నాయి."
- రాహుల్ గాంధీ, కాంగ్రెస్ పార్టీ అధ్యక్షుడు
