ప్రధానమంత్రి నరేంద్రమోదీ ఎన్నికల ప్రచారమంతా అబద్ధాలు, విద్వేషాల నడుమే సాగిందని కాంగ్రెస్ అధ్యక్షుడు రాహుల్ గాంధీ ఆరోపించారు. తమ పార్టీ మాత్రం సత్యం, ప్రేమలతోనే ప్రచారం నిర్వహించిందని ఉద్ఘాటించారు.
మూడు రోజుల వయనాడ్ పర్యటనలో భాగంగా కాల్పెట్ట, కంబాల్క్కాడ్, పనామరమ్, మనంత్వాడీ పుల్పల్లి, సుల్తాన్ బతేరీ ప్రాంతాల్లో నిర్వహించిన పలు కార్యక్రమాల్లో రాహుల్ పాల్గొన్నారు. ప్రధానమంత్రి నరేంద్ర మోదీపై కాంగ్రెస్ పోరాటం కొనసాగిస్తుందని ఉద్ఘాటించారు రాహుల్.
కాంగ్రెస్ అధ్యక్షుడి సభలకు పెద్ద సంఖ్యలో వయనాడ్వాసులు హాజరయ్యారు.
వయనాడ్ ప్రజల ప్రేమాభిమానాలకు కృతజ్ఞతలు తెలుపుతున్నానని ట్వీట్ చేశారు రాహుల్.
ఇదీ చూడండి: 'ఉగ్రవాదానికి సహాయం.. మానవాళికి ప్రమాదం'
