మహారాష్ట్ర రాజధాని ముంబయిలో పాదచారుల వంతెన కుప్పకూలింది. ఛత్రపతి శివాజీ రైల్వేస్టేషన్(సీఎస్ఎమ్టీ) సమీపంలో ఈ ఘటన జరిగింది. రాత్రి 7గంటల 30 నిమిషాల ప్రాంతంలో వంతెన కుప్పకూలింది. ఘటనాస్థలానికి ఎన్డీఆర్ఎఫ్ బృందం చేరుకుని సహాయక చర్యలు చేపట్టింది. ఈ ఘటనలో ఇప్పటికే నలుగురు మృతిచెందారు. మృతుల సంఖ్య పెరిగే అవకాశముందని అధికారులు వెల్లడించారు. మరో 30 మంది గాయపడ్డారు. క్షతగాత్రులను ఆసుపత్రికి తరలించారు. శిథిలాల కింద మరో 8-10 మంది చిక్కుకునే అవకాశం ఉందని అధికారులు తెలిపారు.
రద్దీ ప్రాంతంలో ఈ ఘటన జరగడం వల్ల పోలీసులు ట్రాఫిక్ ఇక్కట్లు కలగకుండా చర్యలు చేపట్టారు.
'కసబ్' వంతెన...
టైమ్స్ ఆఫ్ ఇండియా భవంతి- సీఎస్ఎమ్టీ స్టేషన్ను కలిపే ఈ వంతెనను 26/11 ముంబయి ఉగ్రదాడిలో పాల్గొన్న ఉగ్రవాదులు వినియోగించారు. అందుకే ఈ వంతెనకు 'కసబ్ వంతెన' అని పేరుపెట్టారు.
