పోలీస్​ కమిషనర్​ కార్యాలయం​లో కరోనా కలకలం

కర్ణాటక కరోనా బాధితుల్లో పోలీసుల సంఖ్య ఎక్కువవుతోంది. బెంగళూరు నగర పోలీసు కమిషనర్​ కార్యాలయంలో వైరస్​ కలకలం రేపింది. భవనంలోని మూడో అంతస్తులో ఓ అధికారికి కొవిడ్​ పాజిటివ్​ అని తేలింది. దీంతో కార్యాలయ్యాన్ని మూడు రోజుల పాటు మూసివేస్తున్నట్లు ప్రకటించారు అధికారులు.

కర్ణాటకలో పోలీసు శాఖలోనూ కరోనా కేసులు భారీగా నమోదవుతున్నాయి. ఇది వరకు కిందిస్థాయి పోలీసులకు వైరస్​ పాజిటివ్​గా​ వస్తే.. ఆ స్టేషన్లు మూసివేశారు. అయితే బెంగళూరు నగర పోలీసు కమిషనర్​ కార్యాలయంలోని మూడో అంతస్తులో కొవిడ్​ కేసు బయటపడింది. దీంతో ఆ భవనాన్ని మూడు రోజుల పాటు మూసివేస్తున్నట్లు ఉత్తర్వులు జారీ చేశారు అధికారులు. కార్యాలయంలోకి ప్రజలు, ఇతర సిబ్బందికి కూడా అనుమతి నిరాకరించారు.

మరోవైపు దోపిడీకి యత్నించిన ఇద్దరు నిందితులను నందిని లేఅవుట్ స్టేషన్ పోలీసులు ఇటీవల అరెస్ట్ చేశారు. ఆ నిందితులకు జూన్​ 23న వైరస్​ పరీక్ష నిర్వహించగా.. వారికి కరోనా​ సోకినట్లు తేలింది. నిందితులతో సన్నిహితంగా ఉన్న మరో 10మందిని క్వారంటైన్​ కేంద్రాలకు తరలించారు.

ఇదీ చూడండి: జులై 1 నుంచి మెట్రో సర్వీసుల పునరుద్ధరణ!