భారత్లో కరోనా కేసులు అంతకంతకూ పెరుగుతున్న వేళ చైనా 6.5 లక్షల టెస్టింగ్ కిట్లు దేశానికి పంపింది. ఇవి ఈ రోజు సాయంత్రానికి భారత్ చేరే అవకాశం ఉంది. మహమ్మారిపై దేశం చేస్తోన్న పోరాటంలో ఇవి ఎంతగానో సహాయపడతాయని చైనాలో భారత రాయబారి విక్రమ్ మిశ్రీ అభిప్రాయపడ్డారు.
15 రోజుల్లో మరో 20 లక్షలకు పైగా టెస్టింగ్ కిట్లను భారత్కు చైనా పంపనున్నట్లు ఆయన తెలిపారు.
కిట్ వివరాలు...
- మొత్తం కిట్ల సంఖ్య- 6,50,000
- రాపిడ్ యాంటీ బాడీ టెస్టింగ్ కిట్లు- 3 లక్షలు
- ఆర్ఎన్ఏ ఎక్స్ట్రాక్షన్ కిట్లు- 2.5 లక్షలు
ఎగుమతులపై...
కరోనాపై 2 నెలల సుదీర్ఘ పోరాటం తర్వాత ప్రస్తుతం చైనా వ్యాపారంపై దృష్టి పెట్టింది. వైద్య పరికరాలు ముఖ్యంగా వెంటిలేటర్లు, వ్యక్తిగత రక్షణ పరికరాలను భారత్ సహా ప్రపంచవ్యాప్తంగా ఎగుమతి చేస్తోంది.
భారత్కు వీటి ఎగుమతిలో బీజింగ్లోని భారత రాయబార కార్యాలయం, గ్వాంగ్జోవ్లోని కాన్సులేట్ కీలక పాత్ర పోషించినట్లు అధికారులు తెలిపారు.
- ఇదీ చూడండి: 24 గంటల్లో 721 కొత్త కేసులు- 37 మంది మృతి
