ఛత్తీస్గఢ్లోని బస్తర్ డివిజన్లో నక్సలైట్లకు, భద్రత బలగాలకు మధ్య ఎదురుకాల్పులు జరిగాయి. ఈ ఎన్కౌంటర్లో ఓ నక్సల్తో పాటు సీఆర్పీఎఫ్లోని కోబ్రా విభాగానికి చెందిన జవాన్లు మరణించారు. మరో ఇద్దరు జవాన్లు గాయపడ్డారు.
"ఓ నక్సలైట్ మరణించాడు. అతడి నుంచి ఆయుధాలను స్వాధీనం చేసుకున్నాం. నలుగురు కోబ్రా కమాండోలు గాయపడ్డారు. అందులో ఇద్దరు మృతిచెందారు."-సీఆర్పీఎఫ్ అధికారులు
ఉదయం 10:30 గంటలకు సుక్మా, బిజాపూర్ జిల్లాల సరిహద్దులో ఉన్న ఇరాపల్లి గ్రామ సమీపంలోని అటవీ ప్రాంతంలో ఈ కాల్పులు చోటుచేసుకున్నట్లు అధికారులు తెలిపారు. గాయపడ్డ ఇద్దరిలో ఒకరు డిప్యూటీ కమాండో హోదా ఉన్న అధికారి ఉన్నట్లు వెల్లడించారు.
