భారత అంతరిక్ష పరిశోధనా కేంద్రం ఇటీవల నింగిలోకి పంపిన చంద్రయాన్-2 విజయం వెనుక శంకరాచార్యుల హస్తం ఉంది. చంద్రయాన్-2కు వేదపండితునికి సంబంధమేంటని అనిపించినా అదే నిజం.
ఇస్రో విజయ గాథ వెనక గోబర్థన్ పీత్, స్వామి నిశ్చలానంద సరస్వతి, జగద్గురూ శంకరాచార్యుల వారి ప్రోత్సాహం ఉంది. చంద్రయాన్-2ను దిగ్విజయంగా నింగిలోకి పంపేందుకు పూరీ జ్ఞానుల సలహా మేరకు వేద గణిత శాస్త్రంలోని సూత్రాలను ఉపయోగించారు ఇస్రో శాస్త్రవేత్తలు.
చంద్రయాన్-2 ప్రయోగానికి కొన్ని రోజుల ముందు శాస్త్రవేత్తలు శంకరాచార్యులతో చర్చించారు. ప్రయోగానికి పంచాంగం ప్రకారం ముహూర్తమూ ఖరారు చేశారు. అయితే, ఇదివరకే శ్రీహరి కోటలోని ఇస్రో ప్రయోగశాలను శంకరాచార్యులు పరిశీలించి.. గ్రహలకు సంబంధించిన వేదాలను శాస్త్రవేత్తలతో చర్చించినట్లు తెలుస్తోంది.
"భూమికి చంద్రునికి మధ్య దూరాన్ని విష్ణు పురాణం, వాయు పురాణం, భగవత్ గీతల్లో చక్కగా విశ్లేషించబడింది. భారతంలో భీష్ముడు చెప్పిన లెక్కల ప్రకారం చందమామ వ్యాసం 11,000 యోజనాలు, చుట్టుకొలత 33,000 యోజనాలు, వెడల్పు 59 యోజనాలు ఉంటుంది. శాస్త్రవేత్తలు ఈ విషయాన్ని గమనించాలి. పురాతన కాలం నుంచి వేద గణితాన్ని ప్రపంచమంతా ప్రశంసించింది. చంద్రయాన్-2 విజయవంతమైనందుకు ఇస్రో శాస్త్రవేత్తలకు అభినందనలు"
-స్వామి నిశ్చలానంద
ఇదీ చూడండి: పాత చట్టాల రద్దు బిల్లుకు పార్లమెంటు ఆమోదం
