వీడియోకాన్​ కేసులో ఈడీ ముందుకు కొచ్చర్​

ఐసీఐసీఐ మాజీ సీఈఓ చందా కొచ్చర్​ ఈడీ అధికారుల ఎదుట హాజరయ్యారు. ఐసీఐసీఐ-వీడియోకాన్​ అక్రమ రుణ మంజూరు కేసుపై ఆమెను ప్రశ్నిస్తున్నారు అధికారులు.

ఐసీఐసీఐ బ్యాంకు ​ మాజీ ప్రధాన కార్యనిర్వహణాధికారి చందాకొచ్చర్​ దిల్లీలోని ఎన్​ఫోర్స్​మెంట్​ డైరక్టరేట్​(ఈడీ) కార్యాలయంలో హాజరయ్యారు. ఐసీఐసీఐ-వీడియోకాన్​ అక్రమ రుణ మంజూరు కేసుపై ఆమెను ప్రశ్నిస్తున్నారు అధికారులు.

విచారణకు హాజరుకావాలంటూ చందాకొచ్చర్​ సహా ఆమె భర్త దీపక్​ కొచ్చర్​కు గతంలో సమన్లు జారీ చేసింది ఈడీ. కొచ్చర్​, వీడియోకాన్​ ప్రతినిధి వేణుగోపాల్​ ఇళ్లలోనూ సోదాలు నిర్వహించారు ఈడీ అధికారులు.

వీడియోకాన్​కు రూ.1875 కోట్ల రుణం మంజూరు చేయడంలో అక్రమాలకు పాల్పడ్డారన్నది చందాకొచ్చర్​, ఆమె భర్త దీపక్​ కొచ్చర్​, వేణుగోపాల్​పై ప్రధాన ఆరోపణ.