బాలీవుడ్ నటుడు సన్నీ దేఓల్ సోమవారం భాజపా టికెట్పై పంజాబ్లోని గురుదాస్పుర్ లోక్సభ స్థానానికి నామినేషన్ దాఖలు చేశారు. తొలుత అమృత్సర్ స్వర్ణదేవాలయం, దుర్గైన దేవాలయాల్లో ప్రత్యేక పూజలు నిర్వహించిన సన్నీ... సోదరుడు బాబీ దేఓల్, పంజాబ్ భాజపా అధ్యక్షుడు, హరియాణా ఆర్థికశాఖ మంత్రి సమక్షంలో నామపత్రం సమర్పించారు.
దివంగత నటుడు వినోద్ ఖన్నా గురుదాస్పుర్ స్థానానికి 1998, 1999, 2004, 2014లో ప్రాతినిధ్యం వహించారు.
వినోద్ ఖన్నా మరణానంతరం 2017లో జరిగిన ఉపఎన్నికల్లో విజయం సాధించిన కాంగ్రెస్ ఎంపీ సునీల్ జాఖర్తో సన్నీ దేఓల్ పోటీపడతారు.
బిహార్లో శతృఘ్న...
ప్రముఖ బాలీవుడ్ నటుడు శతృఘ్న సిన్హా బిహార్లోని పట్నాసాహిబ్ లోక్సభ నియోజకవర్గానికి నామినేషన్ దాఖలు చేశారు. 2014లో భాజపా టికెట్పై ఇదే స్థానంలో బరిలో దిగి గెలుపొందిన సిన్హా... ఇటీవలే కాంగ్రెస్ తీర్థం పుచ్చుకున్నారు.
ఇదీ చూడండి: 'మోదీ, షాపై ఎందుకు చర్యలు తీసుకోరు?'
