ఎన్ఆర్సీ దుమారం: కేజ్రీకి వ్యతిరేకంగా భాజపా ఆందోళన అసోం తరహాలో దిల్లీలోనూ జాతీయ పౌర జాబితా-ఎన్ఆర్సీ తీసుకొచ్చే అంశంపై అధికార ఆమ్ఆద్మీ, భాజపా మధ్య వివాదం తీవ్ర రూపు దాల్చింది. ఎన్ఆర్సీ తీసుకొస్తామన్న రాష్ట్ర భాజపా అధ్యక్షుడు, ఎంపీ మనోజ్ తివారీపై ముఖ్యమంత్రి కేజ్రీవాల్ చేసిన వ్యాఖ్యలను తప్పుపడుతూ ఆందోళనకు దిగారు భాజపా పూర్వాంచల్ మోర్చా నేతలు, కార్యకర్తలు. ఎన్ఆర్సీ వస్తే... బిహార్లో పుట్టిన మనోజ్ తివారీనే ముందు దిల్లీ వీడి వెళ్లాల్సి వస్తుందని ముఖ్యమంత్రి అనడంపై మండిపడ్డారు. ఫ్లకార్డులు చేతబూని కేజ్రీవాల్కు వ్యతిరేకంగా నినాదాలు చేశారు. దిల్లీ ప్రధాన రహదారుల వెంట ర్యాలీ నిర్వహించారు.
నిరసనకారులను అదుపు చేసేందుకు భారీగా పోలీసులను మోహరించారు అధికారులు. ఎక్కడికక్కడ బారికేడ్లు ఏర్పాటు చేశారు. పలువురు నేతలు, కార్యకర్తలను అరెస్ట్ చేసి స్థానిక పోలీస్ స్టేషన్లకు తరలించారు.
ఇదీ చూడండి: రాబర్ట్ వాద్రాను కస్టడీకి అప్పగించండి: ఈడీ
