'జాతీయ రాజకీయాల్లో సుష్మాది చెరగని ముద్ర'

విదేశాంగశాఖ మాజీ మంత్రి సుష్మా స్వరాజ్​ మృతిపట్ల భాజపా నేతలు సంతాపం తెలిపారు. దేశానికి సుష్మా చేసిన సేవలు చిరస్మరణీయమని వెల్లడించారు. జాతీయ రాజకీయాల్లో ఆమె చెరగని ముద్ర వేశారని కొనియాడారు.

సుష్మా స్వరాజ్​ హఠాన్మరణంపై భాజపా నేతలు దిగ్భ్రాంతి వ్యక్తం చేశారు. దేశానికి సుష్మా స్వరాజ్​ చేసిన సేవలను కొనియాడారు. 67 ఏళ్ల సుష్మా స్వరాజ్మంగళవారం రాత్రి గుండెపోటుతో ​ కన్నుమూశారు.

జాతీయ రాజకీయాల్లో సుష్మా చెరగని ముద్ర వేశారని కాషాయ దళ పార్టీ అధ్యక్షుడు అమిత్​ షా పేర్కొన్నారు.

"సుష్మా స్వరాజ్​ మరణ వార్త విని ఎంతో బాధపడ్డాను. సుష్మా ఒక ఆదర్శవంతమైన కార్యకర్త. జాతీయ రాజకీయాల్లో చెరగని ముద్రవేశారు."

--- అమిత్​ షా, భాజపా అధ్యక్షుడు.

అమిత్​ షా స్పందన

"ప్రతిపక్ష నేతగానైనా, విదేశాంగమంత్రిగానైనా... ఒక ఆదర్శమైన వ్యక్తిత్వానికి ఉదాహరణ సుష్మా స్వరాజ్​. అమె ఒక శక్తివంతమైన వ్యక్తి. సుష్మా మరణం భాజపాకు తీరని లోటు."
--- జేపీ నడ్డా, భాజపా కార్యనిర్వాహక అధ్యక్షుడు.

జేపీ నడ్డా ట్వీట్​

"పార్టీలో అంచెలంచెలుగా ఎదిగి విదేశాంగ మంత్రి హోదాకు చేరిన వ్యక్తి సుష్మా. విదేశాంగమంత్రి పదవికే ఆమె వన్నె తెచ్చారు. ఆమె ప్రజల మంత్రి."
-- రాజ్​నాథ్​ సింగ్​, రక్షణ మంత్రి.

"సుష్మా మరణం పార్టీకి తీరని లోటు. ఈ కాలంలో ఆమె ఒక అసాధారణ నాయకురాలు. ఎన్నో బాధ్యతలను సమర్థంగా నిర్వర్తించారు."
--- అరుణ్​ జైట్లీ, భాజపా నేత.

రాజ్​నాథ్​ ట్వీట్​

పార్టీలకు అతీతంగా...

సుష్మా స్వరాజ్​ మృతిపై పార్టీలకు అతీతంగా నేతలు సంతాపం తెలిపారు. కాంగ్రెస్​ నేత రాహుల్​ గాంధీ, మాజీ ప్రధాని దేవేగౌడ సుష్మాతో తమ అనుబంధాలను గుర్తుచేసుకున్నారు.

విదేశాంగశాఖ మాజీ మంత్రి హఠాన్మరణం విని దిగ్భ్రాంతికి గురైనట్టు కర్ణాటక మాజీ ముఖ్యమంత్రులు కుమారస్వామి, సిద్ధరామయ్య తెలిపారు. సుష్మా కుటుంబ సభ్యులకు ప్రగాఢ సానుభూతి తెలిపారు.