పిల్లుల సంరక్షణకు ఎన్​జీఓ- పలువురికి ఆదర్శం

అనాథలను, ఆకలితో అలమటించే వారిని ఆదుకోవడం అంటే ఆమెకు ఇష్టం. జంతువులు బాధపడుతుంటే అమె చూడలేదు. ఇందుకోసం ఆమె ప్రత్యేకంగా ఎన్​జీఓ కూడా ఏర్పాటు చేసింది. అయితే ఆ ఎన్​జీఓ మనుషులకు కాదు. పిల్లులను సంరక్షించడం కోసం దాన్ని ఏర్పాటు చేసి ఆదర్శంగా నిలుస్తోంది. ఇంతకీ ఆమె ఎవరు?. సమాజానికి ఆమె ఏం చెప్పాలనుకుంటోంది..?

కర్ణాటకలోని బెంగళూరుకు చెందిన సాఫ్ట్​వేర్​ ఉద్యోగి విజయకు పిల్లులంటే చాలా ఇష్టం. ఆకలికి అలమటిస్తోన్న పిల్లులను చూసినా, గాయాలతో ఉన్న పిల్లులను చూసినా ఆమె మనసు చలించిపోయేది. దీంతో, పిల్లులను రక్షించడానికి 2014లో ప్రత్యేకంగా ఓ ఎన్​జీఓ ఏర్పాటు చేసింది. అనంతరం వందలాది పిల్లులను రక్షించి జంతువుల నేస్తంగా మారింది. ఎన్​జీఓ ఏర్పాటులో భాగంగానే అవగాహన కార్యక్రమాలు నిర్వహిస్తోంది. జంతువులను కాపాడాలని చెబుతోంది.

క్యాంపులో ఎన్​జీఓ టీమ్​

పిల్లులను రక్షిస్తూ పలువురికి ఆదర్శంగా నిలుస్తోన్న విజయ 'ఈటీవీ-భారత్'​తో తన అనుభవాలను పంచుకుంది.

"పిల్లులను రక్షించి వాటిని దత్తతకు ఇచ్చేందుకు ఎన్నో క్యాంప్​లు ఏర్పాటు చేశాను. కొంతమంది.. నల్ల పిల్లులు చెడుకు సంకేతం అని భావిస్తారు. కానీ, వాటికి అది పుట్టుకతో వచ్చే రంగు మాత్రమే. మంచి చెడు అనేది వర్ణంలో ఉండవు. అందుకే రంగును బట్టి పిల్లులను తక్కువగా చూడకూడదు".

- విజయ, ఎన్​జీఓ వ్యవస్థాపకురాలు.

పిల్లులతో ఎన్​జీఓ బృందం

" ఇప్పటివరకు దాదాపు 2000 పిల్లులను కాపాడాం. ఎన్​జీవోకి వచ్చే ప్రతీ పైసా పిల్లుల కోసమే ఖర్చు చేస్తాం. 'సమర్పన్​ చారిటీ ట్రస్ట్'​ వారు కూడామా ఎన్​జీవోతో భాగస్వామ్యం అయ్యారు".

- సంజన, వలంటీర్.

ఇదీ చదవండి:క్యాన్సరా? నీటి శాతం తగ్గితే ప్రమాదమే